Postal para se afiliar ao Xabarin Club

 

Tirado de: Cernekernel.blogaliza.org

Logo de muito tempo tentando fazer sócio do Xabarín ao Breixo, por fim o conseguimos! É que nom é doado atopar as postais para fazer-se sócio. De feito, nom as atopamos fisicamente e mira que buscamos por sítios. Chegamos a suspeitar que nom estavam em circulaçom. Na web da CRTVG tampouco havia maneira de se inteirar de nada e no facebook está o Xabarín Club mas tampouco soluciona o tema. Há tempo escrevêramos ao endereço do correio que vem na web da galega, mas nom houvo resposta. Desta volta sim!!!

Mandaram-nos o bilhete-postal por email e podiamos imprimi-lo em qualquer tipo de papel e mandá-la por correio ordinário ou mesmo davam-nos à opçom de mandá-lo mesmo por email. Isto último foi o que fizemos, isso sim, editamo-lo co GIMP e puxemos nel os nossos dados.

Por se alguém a precisar aqui está a postal que tanto tardamos em conseguir. Fai clic na imagem e logo em salvar ou guardar como. O endereço ao que podedes mandar o correio é xabarin@crtvg.es